Smalahove på kok

Nydeleg lukt breiar seg i huset. Smalahovet er kome på kok, og eg gler meg til middag i dag. Saman med hovudet serverar eg nykokte poteter og nepa (kålrabi for dei som ikkje er ekta vestlendingar). Nokre lagar nepestappa, og det er jo knallgodt, men det er mykje enklare å eta vanleg kokt nepa til. Smalahove er nemleg ein rett kor ein stort sett brukar nevane (fingrane) til å eta. Å kor eg gler meg! Nesten jolafta i dag! :)

Vart du misunneleg no? Du kan tinga smalahove og få dei sendt direkte på døra di hjå Smalahovetunet!

God middag!

Årets fyrste gløgg i koppen

I dag har det nesten vorte ligg jolestemning i heimen. Eg rørte saman småkaker med sjokolade og hakka mandlar tidlegare i dag. Rom 123 var komen i postkassa, so no i kveld har eg kosa meg i sofakroken med favorittbladet saman med årets fyrste kopp(ar) med gløgg. Sjølvsagt med rosiner og hakka mandlar i. Nydeleg.

Me laga Tomtegløgg varianten i kveld - enkelt og greitt. Men eg ser at me må prøva oss på både ei og to oppskrifter frå scratch. Rom 123 baud på minst ei oppskrift, og det ser eg at mange andre gjer og. Eg avventar inspirasjon og gløgglyst.

Ha ein strålandes kveld vidare!

Skohimmelen - Gdansk eller Danzig om du vil

To netter har vorte tilbragte nær sagt i skohimmelen. To damer på tur, laurdag til måndag. Me rakk både shopping - særleg sko, og då snakkar me gode, ekta skinnsko i ymse variantar og design, og kos. Me bestilte oss og massasje på hotellet. Sjokolademassasje. Me visste ikkje kva me gjekk til, det var mest sjokolade og lite massasje. Kunne ha ynskt oss at ho tok litt meir i - shoppingmusklane hadde trengt det! Men avslappande var det jaffal...

Gdansk var vel verdt eit besøk! Neste gong tek eg med mannen, slik at han og kan få seg nokre skopar ;)

Mi ynskjeliste frå Kremmerhuset

Dei har so mykje fint på Kremmerhuset! Kvar gong eg er ein stad kor Kremmerhuset har butikk må eg innom, og no er det lenge sidan, altfor lenge sidan, eg har vore ein slik stad - og det er så mykje eg har lyst på... 

                       Kva ynskjer du deg frå Kremmerhuset?

Mummi-koppen Kjærleik

Eg har endeleg meldt meg som blodgjevar. Fyrste gong eg var å skulle gje blod fekk eg denne nydelege koppen som "premie" - sjølv om eg ikkje fekk gåve blod. Eg hadde nemleg vore på Kreta i haustferien, og det var berre ei veke sidan me var heimkomne - det er to veker med karantene etter at ein har vore i utlandet for å gje blod. Det visste ikkje eg. No ventar eg berre på neste innkalling, og gler meg til å få ein ny mummikopp i hylla. I love it!

Er du blodgjevar? Du kan melda deg her!

Sjørøvarflagg

Me skal i bursdag til ei prinsessa som vert 4 år i dag, ho elskar Hello Kitty, så det blir spanande å sjå om vår gåve fell i smak...eit lite hint er flagget over. Bilete av gåva kjem seinare! Dessutan er det vel ein fin overgang og oppvakning på bloggen her å gå frå det norske flagget og nasjonaldagen, til sjørøvarflagget?

Heis flagget og ha ein fin dag!

17.mai

Hjarteleg til lukka med dagen!

Noreg sin nasjonaldag har so vidt vorte feira i dag, takka vera svigermor og svigerinna. Dei laga god mat og kaker -nam nam! Eg har vore nede for teljing, igjen, med ein kraftig biholebetennelse og det som høyrer til den. Heldt ut matøkta og so var det heim å sova i 4 timar - heilt kaputt. Neste år VIL eg ha på meg den flotte bunaden min og vera ute heile dagwn eg og!

Håpar du har hatt ein fin dag - i sol eller regn - og er du ekstra heldig har du hatt bunaden på og!

Levande ljos på bordet

Dersom du tek vekk tulipanane og  tenner på ljosa ser du mitt bord i kveld. Eg har fyr i ovnen og det regnar ute. Ikkje akkurat noko fint maiver å skryta over...

No skal eg krølla meg saman i sofaen og sjå ein episode med Miss Marples frå NRK nettTV.

Ha ein fin kveld du og - og ein fin 17.mai i morgon!

Strikkapuff

Endeleg (og det var faktisk for ei lita stund sidan - les veker sidan - ) vart strikkapuffen min ferdig. Bileta vart og tekne for ei stund sidan, som du ser var det fint ver den dagen (og difor var ljosestakane komne på golvet for at ikkje ljosa skulle smelta i sola - og lat som eg er gadd eg ikkje/ gløymte eg å setja dei oppatt før eg tok bilete), i motsetning til i dag, for å seia det slik. Strikkinga var eg ferdig med i januar, medan det som tok tid var å somla seg til å montera han. Eg ser vel og på biletet at eg har "gløymt" å festa ein tråd...

Eg kjøpte glidelås og sydde den i endane, slik at det skal vera lettare å vaska han når det trengst. Eit langt stykke med rettstrikk begge vegar og så samansying av endane og til slutt snurping oppe og så fylling før ein snurpa att nede og. Eg har 3 gamle grøne militærsoveposar inni, kjekt å kunne bruka noko som berre ligg på lager i staden for å kjøpa nytt! Eg kjøpte garn på Coop Extra og betalte berre 10 kr pr nøste, ullblanding med acryl - så er det litt slitesterkt og. Vel 16 nøster gjekk det med til denne puffen, eg har nokre nøster att, og det kan vera greitt å ha til stopping kanskje? Katten har heldigvis ikkje lagt sin elsk på puffen endå...

Angrar kanskje litt på at eg ikkje strikka i einsfarga, men dei fargane han er melert i no passar jaffal veldig godt inn i interiøret her i huset og han vert litt meir anonym enn om han hadde vore knasj gul for eksempel...
Neste gong eg strikkar puff (dersom det kjem til å skje), skal eg laga han endå litt større - eg kunne ha yngst at han var litt høgare! Vurderer faktisk å spretta oppatt snurpinga i endane og strikka ende i staden, men det kjem jaffal ikkje til å skje før sommarferien for å seia det slik!

Bursdagskort...

Me var i trippel bursdagsfeiring i går, to gutar og ei jenta - sysken, og me er heldige å vera onkel og tanta til dei alle saman! Gutane hadde fått pakke allereie, og jenta skulle feira på forskot - og kva i alle dagar skulle ho få?! Tenåring vert ho viss og - stor jenta. Og til London skal ho på kosetur med mammo og pappen i sommar. Det er kjedeleg å gje vekk pengar syns eg, men når eg veit at det var det som stod på lista, ja då får ein gjera det beste ut av det...

Fargane kunne ha vore betre, men det gjekk litt fort føre seg og i siste liten som vanleg. Bursdagsjenta vart i alle fall glad for kortet og sperra augo opp då ho såg kva som var inni :) Som du ser så er valutaen engelske pund, slik at ho ikkje kan bruka dei opp før ho fer :) Me hadde ikkje meir enn 10 pund på lager, difor vart det ein liten presang attmed, men små ting som ho hadde bruk for.

Ein kjekk dag, med god mat og nydelege kaker. Sol vart det og når det lei på. Fint!

PS. Skulle gjerne kunne sagt at ideen var min heilt åleine, men eg fann tips til ulike bursdagskort med pengar på bloggen til Nøstebarn for ei heil eva sidan. Du finn bloggen her, og må bla deg tilbake til i fjor i jaffal for å finne dei. Det var veldig kjekt å laga eit slikt kort, og neste gong skal eg planleggja det litt betre og bruka litt meir tid og fantasi - eg gler meg allereie!

God helg ynskjer kattane her i garden...

God helg ynskjer katten og eigarane hans deg. Er han ikkje fin? Dette biletet er gamalt, faktisk heilt sidan han var nesten ny (på det øverste biletet kan øyra til Store Katten skimtast, noko som viser at katten sit på skuldrane til Store Katten, noko som igjen viser storleiken på katten då, og det er noko han ikkje klarar å gjera no lenger) so katten er større no, men framleis like vakker, snill og god!

Det er lengje sidan eg har vore innom her no, eg har levert nok ei oppgåve på studiet mitt, store katten har hatt bursdag (som vart feira med heile familien hans på pinnakjøtmiddag og suksesskaka til dessert - ein suksess) og eg har klart å verta sjuk att. Heldigvis berre forkjøling og tette biholer (nok ein gong), men heldigvis fordi det kjendes ut som influensa då det fyrst sette inn. Eg har teke bilete av den ferdige strikkapuffen som eg har laga, men dei bileta får kome når dei kjem. Ting tar tid.

Til den tid: HA EI SUPER HELG!

Meir sjokolademousse og "home-party"

Slik vart min sjokolademousse sjåandes ut:

Og ja, han vart knallgod! Eg anbefalar denne oppskrifta på det sterkaste - sjå dette innlegget for oppskrift...

I tillegg serverte eg tortillachips og guacamole, for å ha noko å balansera det søte og mektige mot, noko som og vart ein suksess :)

No kjem eg altso til "home-partyet". Den flotte dama, Hildegunn Gjerde lagar dei flottaste øyredobbar, smykker og ringar, og eg har og tidlegare skrive om ho. Her viser eg eit utval av produkta som eg hadde på bordet i gårkveld. Mange av dei ligg ikkje i nettbutikken hennar heller, men han finn du her. Bileta vart ikkje så bra, då eg måtte skunda meg å avbilda dei før gjestene kom...

Vart du freista no? Kanskje du har lyst å ha eit "home-party" med Hildegunn sine produkt? Det er berre å ta kontakt  - så ordnar nok det seg! 

Ha ei riktig god helg! 

Her skal sjokolademoussen etast opp og ei oppgåva skal skrivast. Nest siste før sommarferien - heldigvis!

Sjokolademousse

INGREDIENSER:

450 g  mørk kokesjokolade (eg blanda ulike typar, og hadde av dei 50 gram med 70% kakao)

1 dl  sterk kaffe (eg brukte 1 dl nylaga espresso)

8  egg

4 dl  fløte

100 g  melis

FRAMGANGSMÅTE: Smelt sjokoladen og kaffen i vannbad. Pisk eggeplommene kraftig inn. Pisk fløten til krem, og ha den i sjokolademassen. Bland det godt sammen, og sett kaldt i 20 minutter. Stivpisk eggehvitene med melis, og rør inn i sjokolade- og eggeplommeblandingen. Sett det kaldt fram til servering. TIPS: Når eggeplommer og eggehvitter skal skilles, bruk skallet. Ved kontakt med hud blir det fett i hvittene som gjør det vanskeligere å få dem stive.

Oppskrifta fann eg på nettstaden: 

Din mat 

Eg har aldri laga sjokolademousse før, eg har eigentleg heller ikkje vore so glad i det - men tenkte at no måtte eg prøva. Han vart mørk og fyldig, kremaktig og rett og slett veldig god!

Anbefalast på det sterkaste!

Trøfflar og triveleg vitjing av gode vener

La Praline lagar fantastiske trøfflar - det kan me skriva under på! Me har hatt herlege vitjing frå gode vener som me ikkje har sett på evigheiter, og difor vart det desto kjekkare å endeleg få dei på besøk!!! Dei hadde med seg vidunderet du kan sjå på biletet over, me fekk smaken kaffi på våre, og dei kan du ikkje få sjå - rett og slett fordi me har ete dei opp - nydelege som dei er og fantastiske gode saman med ein kaffikopp. (Og difor har eg tjuvlånt nokre bilete frå verdsveven) Anbefalast på det sterkaste - og våre gode vitjarar kunne rapportera at Meny no sel dei, i tillegg til blomebutikkar og interiørbutikkar. Eg skal iallefall kjøpa fleire av desse - og som sagt, veldig kjekt å få i vertinnegåve!

Me har hatt ei fin helg - håpar du har hatt det same!

Shinedesign

Flotte Shinedesign har blogglotteri, og eg kryssar fingrane og håpar på vinnarlukke :)

Her er det helgevask og rydding til besøket som kjem i morgon på programmet, i tillegg til studiar og matlagingskos. Det er godt det er vår, og eg kryssar fingrane for sol i morgon og!

Ha ei riktig god helg alle saman!

Frk. Gjerde er gullsmed og lagar dei flottaste produkt

No nærmar det seg konfirmasjonstid og for ikkje å snakka om bursdagsmånaden mai (er det ikkje då flest har bursdag?) - i min familie og venekrets verkar det jaffal slik. Eg anbefalar ein kikk inn på nettbutikken til Frk. Gjerde for herlege freistingar, som til dømes dei tøffe øyredobbane på biletet over. Du finn Eplabutikken hennar her!

Litt vanskeleg å sjå på biletet kanskje, men det er små sylvknappar som Frk. Gjerde har laga for hand i sylv.

Om denne ringen skriv ho:

Nydeleg ❤-ring med dobbel ringskinne av 925 sylv, og massivt hjarte i 585 gultgull.

Storleik : Kan bestillast i den str. ein ynskjer.

Breidde på ringskinna : ca 5,5mm

NB ! bestillingsvare.

Handlaga av meg, med mykje kjærleik❤

Freistande? Ho har mange fleire både søte, stilige, tøffe og romantiske produkt i nettbutikken hennar! 

Løp og kjøp! (Ho er dessutan ei veldig kjekk jente i tillegg, berre so det er sagt!)

Me er vel heimkomne, utsovne og nydusja etter ein kjekk påskeferie heima hjå ho mor. I dag står siste innspurt med oppgåva på tapeten, og ellers vasking av klede og førebuing til kvardagen att.

Påskeafta og påske-egg

Påskeegg er flere forskjellige former for egg som blir brukt til mat og pynt i forbindelse med feiring av påske. Egget er så sterkt knyttet til påsken at nordmenn dobler forbruket av egg i påskeuken. I løpet av de fem påskedagene spiser nordmenn omtrent 21 millioner egg. ^[1] Eggene har røtter i både jødisk, kristen og hedensk tradisjon. Tradisjonelt har påskeeggene vært dekorerte hønseegg, men i nyere tid har vi også fått påskeegg av sjokolade, marsipan eller annet godteri og plastegg fylt med smågodt. Skriv Wikipedia

Bilete tjuvlånt her, sidan eg framleis ikkje har med meg kameraet. 

Her har jaffal påskeegga hatt sitt inntog, både i form av vanlege hønsaegg og som pappegg med snop og sjokolade i. Det eine større enn det andre. Og minstemann i huset fekk til og med ei lita tannkremtube i egget sitt, skal tru om han er byrja å verta bekymra for tannhelsa og, påskeharen? 

Sjølve påskeeggdekoreringa har me ikkje kome til enno, men målet er å få laga slike egg som mamma laga når eg var lita. Dei var både malte og påkledde med stoff, dersom me kjem i mål med desse kjem det bilete når eg er vel heima att...so får me sjå om tida strekk til...

Kan ellers rapportera om nydeleg ver både i går og i dag. I går tok eg meg oppgåveskrivefri og me reiste til fjells for å vitja dei som var på stølen. Fantastisk ver og fint føre, me naut gode timar i solveggen og fekk servert nydeleg middag med heimelaga korv før me vende nasa heimover att. Det vart mykje lott og løye, særleg sidan dei fleste av oss, og jaffal eg, tryna godt i løypa på veg nedatt - bratt ja!

I dag står oppgåva igjen på plakaten, og eg lukkar augo for solstrålane som lurer seg inn... og fokuserar i fyrste omgang på Hobbiten og han sine erfaringar på eventyr med dvergane....Kjekt det og!

Fortsatt god påske!

Oppgåveskriving pågår...

Biletlink lånt her

Biletlink lånt her

Biletlink lånt her

Det er litt vanskeleg å få arbeidsro når ein er heima på påskeferie saman med resten av familien, men eg held no på med oppgåva på eit vis. Eg skal skriva om engelsk barnelitteratur, og har ikkje heilt klart å landa på kva eg skal fokusera på...og det gjer det heile litt vanskelegare. Men eg har byrja på ny, for 3.gong i dag/går og nærmar meg truleg målet litt. Oppgåva skal leverast straks etter påske, så difor sit eg her no medan ho mor jobbar og jobbar, og dei herlegaste luktar kjem frå kjøkenet. I dag står lammelår med fløytegratinerte poteter, soppstuing, rosenkål, gulrøter og nydeleg sos på menyen. Eg kjenner svolten knurra i magen, og gler meg til middag. Det er visst påtide med ein pause no!

Bøkene du ser over er godt lesestoff - enten du og skal skriva oppgåva om dei, eller berre kosa deg med ei bok i påsken! Den nederste, som truleg ikkje alle kjenner frå før, og som vert kalla Lyntyven på norsk, vil eg anbefala til alle over 11 år å lesa, gutar som jenter, menn som damer - veldig spanande frå fyrste sida og samstundes lærer ein mykje om gresk mytologi. Kjekt!

God lesnad og god påske vidare!